Sapo u përfol për martesën me Edi Ramën, Linda Rama u gjend në të gjitha faqet e para të gazetave e revistave, në emisione lajmesh apo biseda studiosh televizive. Në një rrëfim të vecantë në një intervistë për një reviste, që publikohet sot e plotë në Gazeta Shqiptare, Linda Rama tregon se kryesocialisti dhe kreu i Bashkisë së Tiranës është përvecse artist dhe një kuzhienier i mirë. ‘Kuzhina? Sigurisht, kur ia lejon koha dhe ia ka vërtet qejfi ta bëjë këtë, duke sajuar pjata të pakonkurrueshme. Por fatkeqësisht nuk ndodh aq shpesh sa do të doja’. Linda më tej tregon se Rama ka cilësi që të bëjnë ta jetosh jetën cilësisht jo vetëm për vete. ‘Mbi të gjitha është shumë i hapur, i afërt e i drejtpërdrejtë. Ka një kreativitet jashtëzakonisht tërheqës në komunikim dhe bën çdo përpjekje që t\’i bëjë të ndjehen mirë njerëzit kur janë me të… Po Edi Rama, që sinqerisht më vjen keq që s\’mund ta njohin të gjithë, është babai krejt i veçantë’.