Me rastin e dorëzim-pranimit të detyrës së presidentit, kryetari i Kuvendit, Jakup Krasniqi tha se nuk ka fuqi për të kundërshtuar vendimin e legjislativit të vendit, i cili me votat e deputetëve zgjodhi president të vendit, Behgjet Pacollin dhe sipas tij është çështje e institucioneve të pavarura të sqarojnë nëse është mënyra siç është zgjedhur presidenti është në përputhje ose jo me Kushtetutën.

Ai e ka uruar Pacollin për pozitën e presidentit, duke treguar në këtë rast se e respekton vendimin e Kuvendit të Kosovës për zgjedhjen e presidentit.

I pyetur rreth “sms”, të presidentit Pacolli në Kuvend, në ditën e zgjedhjes së tij president, Krasniqi nuk i komentoi, duke thënë t’i komentojnë ata që kanë të bëjnë me “sms”.

Ndërkaq, Pacolli me rastin e pranimit të detyrës së presidentit tha se do të bashkëpunojë me kryetarin e Kuvendit të Kosovës, Jakup Krasniqi pasi të dy kanë pozita të rëndësishme.