Heqja e shpretkës së pacientit, gjykata: 100 mijë euro gjobë spitalit të Vlorës

Gjykata e Vlorës ka gjobitur me 100 mijë euro spitalin e Vlorës, në gjyqin e hapur nga një pacient që akuzoi mjekët për heqjen e shpretkës së tij gabimisht.

Trupi gjykues ka shpallur fajtor spitalin rajonal duke e detyruar atë që ti paguajë 100 mijë euro shtetasit Paskal Nesturi, shpretka e të cilit u hoq nga mjekimi i gabuar prej bluzave të bardha.

Sipas gjykatës, pacienti u paraqit në spitalin e Vlorës më 16 mars 2010 me dhimbje të forta në bark.

Mjekët e futën direkt në sallën e opracionit ku i hoqën shpretkën ndërkohë që më pas pacienti u kurua në Greqi ku mjekët i thanë se heqja e organit kishte qenë e panevojshme.

Paskal Nesturi menjëherë paditi në gjykatë mjekët për dëmin e shkaktuar.