1
Reagim i Unionit të Gazetarëve të Kosovës prej Thu Jan 06, 2011 12:20 pm
answeR hackeR
Anëtarë i ri
Unioni i Gazetarëve të Kosovës (UGK), dënon ashpër kërcënimin që i është bërë gazetarit të gazetës së përditshme "Infopress", z. Visar Duriqit,nga ana e Isni Rukiqit, pronar i pronari i kompanisë “Wiena”.Z.Duriqi i është drejtuar sot Unionit të Gazetarëve të Kosovës (UGK),ku ka paraqitur rastin e kërcënimit që i është bërë.
"Në një bisedë, të zhvilluar përmes telefonit me z. Rukiqi, që ka zgjatur mbi 5 minushe të bërë sot rreth orës 11:00, z Rukiqi pas pyetjes sime që a është interesuar komuna e Prishtinës të merret me akuzën për uzurpim të pronës publik që atij ia ka bërë iniciativa për Mbrojtjen e Qytetit të Prishtinës (IQMQP), ai ka filluar të më ofendoje mbi të gjitha të më kërcënoi. 'Kom met gjet ku je e ku s’je edhe kom me ti thy durë e kamë edhe kam met lan invalid në karrocë. Edhe n’kofsha gjallë kam met lanë pa punë, ose e lëshoj Kosovën' më ka thënë Rukiqi në telefon duke më fyer edhe me familje", është shprehur Duriqi në letrën e tij dërguar UGK-së.
Sjelljet e tilla të individëve ndaj gazetarëve janë të papranueshme dhe tregojnë më së miri për gjendjen e rëndë në të cilën po kalojnë punëtorët e mediave në vendin tonë.
UGK dënon edhe sjelljen jo korrekte dhe joserioze të Policisë së Kosovës, në rastin e kërcënimit të gazetarit Duriqi.
Unioni i Gazetarëve të Kosovës i bënë thirrje Policisë së Kosovës që të punojnë më shumë në mbrojtje të gazetarëve, njëherit kërcenimin e gazetarit Duriqi ta shqyrtojnë seriozisht dhe në mënyrë korrekte dhe t’i hetojnë gjitha dyshimet që i ka ngritur ai. UGK, konsideron së ky rast është i papranueshëm, kërcënim i drejtpërdrejtë për jetën e gazetarit dhe pengim i drejtpërdrejtë në ushtrimin e punës profesionale të tij. UGK, i bënë z.Duriqi dhe të gjithë kolegëve të tejrë që mos të bien preh e provokimeve nga kushdo qofshin ato, por ta mbrojnë me fanatizëm punën e tyre profesionale.